Skip to main content

ᐅᐸᓪᓗᒍ

ᕿᒥᕐᕈᓂᖅ ᐊᑭᖃᖏᑦᑐᖅ

 

ᐅᐸᒍᑎᔪᑦ ᑕᑯᔭᒃᓴᖃᖃᑦᑕᓂᐊᖅᑐᑦ ᐊᑕᖐᔪᒥᒃ ᕿᒥᕐᕈᒐᑦᓴᓂᒃ ᓄᐊᑕᐅᓯᒪᔪᓂᒃ ᑕᑯᔭᒐᖃᕐᕕᒻᒥ ᑕᑯᑦᓱᒐᐃᑦ ᓇᓪᓕᐊᑦ ᓇᓗᓇᐃᖅᓯᒪᔪᑦ ᑕᑯᔭᒐᖃᕐᕕᐅᑉ ᓄᐊᓯᒪᔭᖏᑦ. ᐃᓂᒋᔭᐅᑲᐃᓐᓇᖅᑎᑕᐅᔪᒥ ᑖᒃᑯᐊᓴᐃᓐᓇᐅᖏᑦᑐᑦ ᑕᑯᑦᓱᒐᐅᑎᑕᐅᖃᑦᑕᕐᓗᑎᒃ. ᓇᑎᖓᑕ ᖁᓪᓕᐊ ᓄᐊᑕᐅᓯᒪᔪᑦ ᐸᐸᑕᐅᖏᓐᓇᖅᑐᑦ ᐊᔾᔨᒌᖏᑦᑐᑦ ᓴᓇᙳᐊᒐᐃᑦ ᓇᑭᑐᐃᓐᓈᖅᓯᒪᔪᑦ ᓄᓇᐃᑦ ᐊᕕᑦᑐᖅᑕᐅᓯᒪᓂᖏᑎᒍᑦ ᓄᓇᓕᓐᓂᑦ. ᑐᓂᐅᓯᐊᖅᑎᑦᓯᒍᒪᓗᓂ ᑭᓱᑐᐃᓐᓇᕐᓂᖅ ᑎᑎᖅᑐᒐᖅᑕᓕᒃ ᓂᐅᕕᕐᕕᕋᓛᖅ, ᑕᑯᒥᓇᖅᓴᐅᑏᑦ, ᐅᖃᓕᒫᒐᐃᑦ, ᑐᓴᕋᕐᓈᕋᑦᓴᐃᑦ, ᑕᒪᒃᑯᐊᒐᓚᐃᑦ. ᑕᑯᑦᓴᐅᑎᑦᓯᒐᔪᑦᑐᒍᑦ ᑭᙵᕐᓂ ᑎᑎᖅᑐᒐᖅᑕᒥᓂᕐᓂᒃ ᓄᐊᑕᐅᓯᒪᔪᓂᒃ ᐆᒃᑑᕝᕙᐅᓕᕋᐃᒻᒪᑦ (ᑎᑭᓴᐃᒍᑎᒍᓐᓇᖅᑕᑦᑎᒋᑦ ᑭᙵᐃᑦ ᑎᑎᖅᑐᒐᕐᕕᖓᓂᒃ).

 

ᐅᐸᒍᑎᔪᑦ ᑕᑯᔭᒐᖃᕐᕕᒻᒧᑦ ᑐᙵᓱᑦᑐᑦ ᐊᔾᔨᓕᐅᕆᒍᒪᒍᑎᒃ ᐃᖕᒥᒧᑦ ᐊᑐᕐᓂᐊᑐᐊᕈᓂᐅᒃ.

 

ᓱᕈᓰᑦ ᐃᓐᓇᕐᒥᒃ ᒪᓕᑉᐸᑕ ᑭᓯᐊᓂ  ᑕᑯᔭᒐᖃᕐᕕᓕᐊᕈᓐᓇᖅᑐᑦ.

 

ᑲᒥᓪᓚᖁᔨᕗᒍᑦ ᐃᑎᕈᕕᑦ  ᑕᑯᔭᒐᖃᕐᕕᒻᒧᑦ.

 

ᐊᑦᑐᐊᑐᐃᓐᓇᑦᑕᐃᓕᒋᑦ ᑕᑯᑦᓴᐅᑎᑕᐅᔪᓂᒃ.

 

ᓂᕆᔪᖃᕆᐊᖃᙱᑦᑐᖅ ᐅᕝᕙᓘᓐᓃᑦ ᐃᒪᓕᒻᒥᒃ ᐃᒥᖅᑐᖃᙱᓪᓗᓂ ᐅᐸᒍᑎᓯᒪᔪᓂᒃ ᑕᑯᔭᒐᖃᕐᕕᒻᒧᑦ.

 

ᐆᒪᔪᑦ ᐃᑎᖁᔭᐅᙱᑦᑐᑦ ᑕᑯᔭᒐᖃᕐᕕᒻᒧᑦ.  

 

ᐊᔪᕐᓇᕐᒪᑦ, ᖁᓛ ᓇᑎᐅᑉ ᒪᔪᕋᐅᑎᒃᑯᑦ ᑭᓯᐊᓂ ᐅᐸᒐᑦᓴᐅᒻᒪᑦ.

 

ᐊᒥᓲᓂᐊᕈᑦᓯ ᐅᕝᕙᓘᓐᓃᑦ ᕿᒥᕐᕈᑎᑕᐅᒍᒪᒍᑦᓯ/ ᑭᓱᒥᒃ ᐅᓂᒃᑳᕐᕕᐅᓂᐊᕈᒪᒍᑦᓯ, ᖃᐅᔨᒃᑲᙳᐊᑕᖅᓯᓇᖅᑎᒍᑦ ᓯᕗᕐᖓᓂ.