-
ᔮᓇᑦ ᕆᑉᓕ ᐋᒻᔅᑐᕌᖕ
ᔮᓇᑦ ᕆᑉᓕ ᐋᒻᔅᑐᕌᖕ ᐃᖃᓗᖕᓂ ᓄᓇᖃᖅᑐᖅ ᑎᑎᕋᐅᔭᖅᑎ ᓄᓇᕗᒥ ᓄᓇᖃᖅᓯᒪᓕᖅᑐᖅ 1975-ᒥᓂᑦ. ᔮᓇᑦ ᐃᓅᓂᑯ ᓴᐃᓐ ᑖᒪᔅ, ᐋᓐᑎᐅᕆᔪᒥ, ᑭᓯᐊᓂᓕ 1970-ᒥ ᖃᓪᓗᓈᑦ ᓄᓇᖓᓐᓂᒃ ᕿᒪᐃᓪᓗᓂ ᔭᓗᓇᐃᕝ, ᓄᓇᑦᑎᐊᕐᒧᑦ ᓄᓇᖃᕆᐊᖅᑐᓚᐅᖅᓯᒪᔪᖅ…ᑕᐃᑲᓂ ᐊᔾᔨᓕᐅᕆᔨᐅᓪᓗᓂ ᐊᒻᒪ ᐱᕙᓪᓕᐊᔪᓂ ᓂᐅᔅ ᓄᐊᑦᑯᓐᓂ ᑐᓴᒐᒃᓴᓕᕈᔨᐅᓪᓗᓂ. ᐅᑭᐅᖅᑕᖅᑐᕐᒦᖏᓐᓇᓚᐅᖅᑐᖅ ᑲᓇᖕᓇᒥᐅᓄᑦ ᑎᑭᓚᐅᖅᑐᖅ 1975-ᒥ, ᐃᓕᓴᐃᔨᐅᔭᖅᑐᕐᖢᓂ ᑐᓄᓂᕈᓯᕐᒥ.
ᐊᕐᕌᒍᑦ 43 ᐅᖓᑖᓂ, ᔮᓇᑦ ᓇᕈᓇᒃᓯᒪᕗᖅ ᓄᓇᕗᒥ ᐃᖅᑲᓇᐃᔭᕐᖢᓂ ᐃᓕᓴᐃᔨᐅᓪᓗᓂ ᐊᒻᒪ ᐊᒥᐊᕆᔨᐅᓪᓗᓂ. ᐊᕐᕌᒍᑦ ᐱᒋᐊᓕᓵᖅᑎᓪᓗᒋᑦ ᑲᓇᖕᓇᒥ ᓄᓇᖃᓕᓵᕐᖢᓂ ᐊᒥᐊᕆᖃᑦᑕᓚᐅᖅᑐᖅ ᓄᓇᓐᖑᐊᓂᓐᖔᖅᑐᓂᒃ.
ᔮᓇᑦ ᐃᒥᕐᒧᑦ ᐊᒥᐊᕆᕙᒃᑐᖅ, “ᑖᓐᓇᐅᓂᖓ ᐊᔾᔨᐅᑦᑎᐊᕋᓱᖃᑦᑕᖅᑕᖓ”. ᐊᔾᔨᒋᖃᑦᑕᖏᑦᑐᑦ ᐊᒥᐊᖅᑕᖏᑦ ᐃᓄᐃᑦ ᓄᓇᖓᑕ ᓄᓇᕋᓐᖑᐊᖏᑦ, ᓄᓇᓐᖑᐊᑦ ᐊᒻᒪᓗ ᐃᓄᓐᖑᐊᑦ. ᐊᒥᐊᖃᑦᑕᖅᓯᒪᔭᖏᑦ ᑕᑯᒃᓴᐅᑎᐅᖃᑦᑕᖅᓯᒪᕗᑦ ᓄᓇᕗᒥ ᐊᒻᒪᓗ ᓄᓇᑦᑎᐊᕐᒥ, ᐊᒥᐊᖃᑦᑕᖅᓯᒪᔭᖏᑦ ᐱᒋᔭᐅᓕᖅᑐᑦ ᐃᓄᖕᓄᑦ ᓂᐅᕕᖅᑕᐅᓂᑯᑦ ᐊᒻᒪ ᑎᒥᖁᑎᒋᔭᐅᔪᓄᑦ ᓂᐅᕕᖅᑕᐅᓂᑯᑦ ᑲᓇᑕᒥ ᐊᒻᒪᓗ ᐊᒥᐊᓕᒃᑲᓐ ᓄᓇᖓᓐᓂ.